N-121-B

N-121-B
Nafarroa Garaiko errepideen sarea
Biribilgune bat Irurita eta Elizondo artean
N-121-A  Iruña Irun ◄  N-121-B  ►  D20  Kanbo Baiona
Kokapena
Hasiera	Oronoz-Mugairi (Baztan)
Amaiera	Dantxarinea (Urdazubi)
Hiri nagusiak	Oronoz-Mugairi • Irurita Elizondo • Dantxarinea
Deskribapena
Izen ofiziala	N-121-B Iruña -Frantzia (Baztan) / N-121-B Pamplona - Francia (Baztan)
Mota	Errepide nagusia
Luzera	32,04 km
Erreiak	1x1
Jabea	Nafarroako Gobernua
Eskema  N-121-A  Iruña    N-121-A  Irun     NA-1210  Oronoz-Mugairi    Oronoz-Mugairiko tunela     NA-8303  Oronoz-Mugairi     NA-4453  Orabidea  NA-8302  Arraioz     NA-8302  Arraioz • Irurita     NA-4403  Irurita    NA-4403  Lekaroz  NA-4407  Elizondo    Elbete   Orabidea  NA-8307  Elizondo • Elbete         NA-2601  Arizkun     NA-2600  Erratzu    NA-4457  Azpilkueta     NA-4406  Urrasun  NA-2653  Amaiur        NA-4453  Orabidea    Otsondo (602 m)  NA-2655  Gorramendi            NA-4402  Urdazubi    Dantxarinea     NA-4401  Zugarramurdi     D4  Sara jarraitu  D20 tik

 N-121-B  —Iruñea - Frantzia Baztandik errepidea^[1] edo Iruña - Dantxarinea errepidea — Nafarroa Garaiko errepide bat da. Errepidea Oronoz-Mugairi eta Dantxarinea lotzen du, Oronoz-Mugairi, Irurita eta Elizondo zehartzen.

Bideberria Nafarroako iparraldean dauden Baztanaldea eskualdeko komunikazio-ardatz nagusia da.

Historia

 N-121  errepideak Taraxoa eta Dantxarinea lotzen zituen Tutera, Erriberri, Tafalla, Iruña, Oronoz-Mugairi eta Elizondotik.  C-133  errepideak Oronoz-Mugairi eta Behobia edo Pausu lotzen zituen, Doneztebe, Sunbilla eta Beratik.^[2]

2004ko irailean, Nafarroako errepideen izenak eguneratu zirenean, bi terminoak aldatu ziren.  N-121  errepidea, Taraxoa eta Dantxarinea artean,  N-121-C  (Taraxoa-Tutera),  N-121  (Tutera-Iruña),  N-121-A  (Iruña-Oronoz-Irun)  N-121-B  (Iruña-Oronoz-Dantxarinea) izango zen.^[3]

Gainera, 2000ko hamarkadan, haren ibilbidea eguneratu zen, zenbait sektoretan aurreratzeko erreiak gehituz, eta tunelak eta bidezubiak sortu ziren, oztopo handiak gainditzeko eta ibilbidea optimizatzeko. Lan horien artean, Belateko tunela eta Almandozko tunela nabarmentzen dira, baita Bidasoako sekzioa ere (Sunbilla - Bera).

Elizondoko saihesbidea

Elizondo saihesbideak 5,8 kilometroko luzera du. Arraiozko saihesbidea amaitu ondoren hasten da, eta mendebaldetik ekialdera doa, Irurita eta Elizondo herrien ezkerretara, eta Elbete inguruan amaitzen da. Bide berri hau  N-121-B  errepidearen trazadura zaharraren alternatiba da eta  NA-4405 ,  NA-4445  eta  NA-4403  errepideak zeharkatzen ditu.

11 metroko zabalera duen galtzada batez osatuta dago eta 3,5 metroko bi errei, 1,5 metroko bazterbideak eta 0,5 metroko bernak ditu. Bere ibilbidea orduko 80 kilometroko abiadurarako proiektatua izan da.

Era berean, hiru zubibide eraiki dira Baztan ibaiaren (93 metro), Tellebiko errekaren (89 metro) eta Artesanako errekaren (88 metro) gainean, eta saihesbidearen ibilbidean zehar azpiko bost pasabide (abereentzako, faunarentzako eta  NA-4405  eta  NA-4445  errepideei eta hiri-bide bati jarraipena emateko).^[4]

Bost biribilgune ere egin dira saihesbidearen enborrean. Arraiozkoa, Lekarozkoa, Elizondokoa, Elbetekoa eta  N-121-B  errepidearen jatorrizko trazadurarekin lotutakoa dira. Elizondoko biribilgunetik, Baztanberri auzoko biribilgune batean amaitzen den 420 metroko adar bat eraiki da.

Gainera, kaltetutako hainbat zerbitzu eta zortasun birjarri behar izan dira. Horietako batzuk 11 linea elektriko, telefono- eta gas-zerbitzuko zenbait kanalizazio, hornidura-sareari 10 kalte eta saneamendu-sareari 3 kalte.

Bide berri horren eraikuntza HNV eta Obenasa enpresek osatutako Irurita-Elizondo saihesbidea ABEEari esleitu zitzaion, eta 2010eko otsailaren 8an hasi zen. Peyco enpresak idatzi zuen proiektua. Obraren zuzendaritzak hilero egin du bisita bailarako ordezkariekin, eta garestitze ekonomiko handirik gabe egin daitezkeen eskaerei erantzun zaie.

Saihesbidea 2012ko ekainaren 15ean jarri zen martxan.^[5]

Hala ere, Elizondoko saihesbidea martxan jarri ondoren, jarduketaren bigarren fasea egiteke zegoen, eta horren azpiegiturarik garrantzitsuena saihesbidea Elizondoko zeharbidearekin lotzea da.

Saihesbidearen jatorrizko proiektuak lotura hori jasotzen zuen, baina, Kantauriko Konfederazio Hidrografikoak Elizondoko sarreran proiektatutako zubiari jendaurreko erakustaldian aurkeztu zizkion alegazioen aurrean, proiektua bitan banatzea erabaki zen, bidearen eraikuntzaren hasiera ez atzeratzeko.

Bigarren fasean, Lekarozko kirol-eremurako oinezkoentzako pasabide bat ere bazegoen, herri horrek eskatu bezala.

Tarteak

Zeharbide gatazkatsuak saihesteko bi aldaera eraiki ondoren, horixe da errepidearen egoera:

Trafikoa

Nafarroako Gobernuak hiru extazio ditu errepide horretan. Oronoz-Mugairi, Arizkun eta Otsondo herriaren ingurunuetan daude kokatuta.

Irudiak

• 
  Nafarroa Garaiko sarrera Dantxarinean
• 
  Otsondoko lepoa

Erreferentziak

Kanpo estekak

• Nafarroako errepideak, Nafarroako gobernuaren webgunean

• Datuak: Q9048274