Micaela Portilla
- Artikulu hau historialariari buruzkoa da; bere izena daraman liburutegia gaitzat duena beste hau da: «Dulantziko Udal Liburutegia»
| Micaela Portilla | |
|---|---|
  Irudi gehiago | |
| Bizitza | |
| Jaiotza | Gasteiz, 1922ko uztailaren 30a |
| Herrialdea |  Araba, Euskal Herria |
| Heriotza | Gasteiz, 2005eko urriaren 8a (83 urte) |
| Hobiratze lekua | Santa Isabel hilerria |
| Hezkuntza | |
| Heziketa | Madrilgo Complutense Unibertsitatea |
| Hizkuntzak | gaztelania |
| Jarduerak | |
| Jarduerak | antropologoa eta historialaria |
| Jasotako sariak | ikusi
|
Micaela Portilla Vitoria (Gasteiz, 1922ko uztailaren 30a - 2005eko urriaren 8a) XX. mendeko Euskal Herriko antropologo eta historialarien artean garrantzitsuenetako bat izan zen; esparru horiei buruzko azterlan ugari egiteaz gain, bestelako lan askotan ere protagonista izan zen lan metodologiko fin eta sakona eginez. Gainera, ia esan daiteke jarraitzaile eskola bat sortu zuela Araban. Hainbat testuliburu kaleratu zituen, eta aldizkari eta egunkarietan ere argitaratu zituen artikuluak. Eusko Ikaskuntzaren Manuel Lekuona saria jaso zuen, eta EHUko honoris causa doktorea zen, besteak beste.
Bizitza
Lehen hezkuntzako irakasle gisa hasi zuen bere zeregin profesional eta bokaziozkoa Arabako zenbait herritan (Aramaion eta Agurainen) eta azkenik Gasteizen. Ondoren, Madrilgo Complutense Unibertsitatean ikasten jarraitu zuen Geografia eta Historia espezialitatean. Bere lizentziako tesian, 1954. urtean, Torres de Mendozas, Guevaras y Ayalas en Álava izenburua duen lana aurkeztu zuen, bere ondorengo ikerketa lanen abiapuntu dena.
Mikaelak etnografiaren arloan eginiko ekarpenen garrantzia kontuan izanda, Eusko Ikaskuntzak eta Euskalerriaren Adiskideen Elkarteak haren omenezko kongresu bat antolatu zuten 2007ko otsailean, Sancho el Sabio Fundazioaren, Arabako Foru Aldundiaren eta Gasteizko Udalaren parte hartzearekin; kongresuan, ikerlariari buruzko erakusketa bat eta zenbait hitzaldi izan ziren.
Lanak
Milaka orri idatzi zituen Mikaela Portillak argitaratu zituen artikulu eta liburuetan, haietako garrantzitsu eta aipagarrienak honako hauek izanik:
- Torres de Mendozas, Guevaras y Ayalas en Álava (1954)
- El retablo de San Blas de Hueto Abajo (Álava) (1958)
- Torres y casas fuertes de Álava (1978)
- Una ruta europea. Por Álava a Compostela. Del paso de San Adrián al Ebro (1991)
- Catálogo Monumental. Diócesis de Vitoria (9 liburuki) (1967-2007)
Sariak eta omenaldiak
- 2012: Euskal Herriko Unibertsitateak genero ikuspegia txertatzen duten doktore-tesietarako Micaela Portilla saria sortu zuen.[1]
- 1997: Manuel Lekuona Saria
- 1993: Honoris Causa doktorea Euskal Herriko Unibertsitatean
- 1990: Sabino Arana Saria, Kultura arloan
- Estudios de Historia del Arte en memoria de la pr1997: ofesora Micaela Portilla (José Javier Vélez Chaurri, Pedro Luis Echeverría Goñi eta Felicitas Martínez de Salinas Ocio), Arabako Foru Aldundiaren Kultura Saila (2009). ISBN 978-84-7821-718-2.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ «MICAELA-PORTILLA-Trabajos-premiados - Berdintasunerako Zuzendaritza - UPV/EHU» Berdintasunerako Zuzendaritza (Noiz kontsultatua: 2022-04-10).
Kanpo estekak
- Portilla Vitoriari omenaldia
- El Correo egunkaria
- Gara egunkaria
- "Micaela Portilla omenduko-dute bere jaiotzaren mendeurrenean".
- Alea: "Micaela Portillaren ibilbidea jasoko dute dokumental batean". 2022-07-28.
| Autoritate kontrola |
|
|---|
Datuak: Q3754076
Multimedia: Micaela Portilla / Q3754076
