Juanita Reina
| Juanita Reina | |
|---|---|
  Irudi gehiago | |
| Bizitza | |
| Jaiotza | Sevilla, 1925eko abuztuaren 25a |
| Herrialdea |  Espainia |
| Heriotza | Sevilla, 1999ko martxoaren 19a (73 urte) |
| Hobiratze lekua | San Fernando hilerria |
| Familia | |
| Ezkontidea(k) | Federico Casado "Caracolillo" (en)  |
| Hezkuntza | |
| Hizkuntzak | gaztelania |
| Jarduerak | |
| Jarduerak | aktorea eta abeslaria |
| Jasotako sariak | ikusi
|
| Musika instrumentua | ahotsa |
     | |
Juana Reina Castrillo, ezagunagoa Juanita Reina gisa (Sevilla, Andaluzia, Espainia, 1925 – 1999), espainiar antzezle eta kantaria izan zen.
Biografia
Haurra zelarik hasi zen kantatzen. Aita arte-enpresaburua eta eragilea zuen. Folk talde bat eratu zuen Enrique El Cojorekin batera eta arrakasta handiko kantuak kantatu zituen: Los cinco faroles, Madrina, Sin embargo, te quiero, Francisco Alegre, Señorío, Yo soy esa, Lola la Piconera, Capote de grana y oro.
Ospe handia lortu zuen Quintero, León eta Quiroga maisuen koplak kantatuz. Baita Naranjo maisuaren kantuekin ere: La niña blanca, Los churumbeles. Kantari gisa ez ezik, antzezle gisa ere nabarmendu zen. Florián Reyk Blanca Paloma (1942) filmean eskaini zion protagonista paperak zinemarako ateak zabaldu zizkion: Canelita en rama (1943); Macarena (1944); Serenata española (1947); Lola se va a los puertos (1947); Vendaval (1949); Lola la Piconera (1951); Gloria Mairena (1952); Sucedió en Sevilla (1954).
Denboraldi batez antzerki-lanetan aritu ondoren, 1958an zinemara itzuli zen berriro, La novia de Juan Lucero filmeko protagonista papera egitera, Juan de Orduña eta Luis Lucíaren zuzendaritzapean.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|---|
Datuak: Q457655
Multimedia: Juanita Reina / Q457655
