Eudoxo Knidokoa

Eudoxo Knidokoa
Bizitza
Jaiotza	Knido, K.a. 410
Herrialdea	Hexapolis doriarra
Heriotza	Knido, K.a. 355 (52/53 urte)
Hezkuntza
Hizkuntzak	antzinako greziera
Irakaslea(k)	Arkitas Philistion of Locri (en) Platon
Ikaslea(k)	ikusi Menaechmus (en) Dinostratus (en) Chrysippus of Cnidos (en) Callippus of Cyzicus (en)
Jarduerak
Jarduerak	matematikaria, idazlea, filosofoa eta geografoa

Eudoxo Knidokoa (antzinako grezieraz: Ευδοξος; Knido, egungo Turkia, K.a. 410 – K.a. 355) greziar filosofo, astronomo, matematikari eta medikua izan zen, Platonen ikaslea. Haren lanik batere ez da gaur egunera iritsi; ezagutzen ditugun aipatze guztiak bide ez zuzenetik datozkigu, hala nola astronomiari buruzko Aratoren poema.

Eudoxo izan zen lehenengoa matematika-modeloan oinarritutako planeta-modeloa azaldu zuena, horregatik matematika-astronomiaren aitatzat daukagu. Urtearen iraupena 365 egun eta 1/4 egunekoa zela kalkulatu zuen. "Esfera zentrukideen" bere teoria astronomia tradizionalaren abiapuntu da. Integralak determinatzeko balio duen lehenbiziko teknika sistematiko dokumentatua Eudoxoren exhauzio-metodoa da (K.a. 370 inguruan). Metodo horren helburua zen azalerak eta bolumenak kalkulatzea, azalera edo bolumena ezaguna duten formak kopuru infinitutan zatitzearen bidez.